Sven-Göran Eriksson, fyrrverandi landsliðsþjálfari Englands, sagði í janúar frá því að hann væri með krabbamein í brisi og vonaðist til að ná ári í viðbót. „Ég á líklega eitt ár eftir ólifað, í versta falli minna en það. En maður getur leikið á heilann. Maður reynir að sjá það jákvæða í hlutunum í stað þess að grafa sjálfan sig í mótlætinu“ sagði Eriksson.
Nefndi svo í leiðinni að hann ætlaði á góðgerðaleik hjá Liverpool enda hefði hann alltaf haldið með Liverpool og langað að stýra liðinu. Þá fór boltinn að rúlla, fyrrverandi leikmenn gripu hann og Liverpool bauð hinum 75 ára Svía að stjórna liðinu í góðgerðaleik gegn Ajax 23. mars.
Hann er ekki með neina aukvisa með sér því með honum í þjálfarateyminu voru Ian Rush, John Barnes og John Aldridge Þá mætti Jürgen Klopp, knattspyrnustjóri Liverpool, og bauð Sven-Göran Eriksson að fylgja sér í gegnum heilan dag sem stjóri Liverpool. Svo voru heldur engin aukvisar í liði Liverpool - Steven Gerrard, Fernando Torres, Sami Hyypiä, Martin Skrtel, Momo Sissoko, Dirk Kuyt, Daniel Agger, Maxi Rodriguesz og fleiri.
Eins og Liverpoolmönnum er einum lagið þá lentu þeir 0:2 undir en unnu svo 4:2.
Góðgerðaleikurinn er einn af 8 sem Liverpool Foundation setur upp til að safna til góðgerðamála og 59.655 borguðu sig inná leikinn
Comments